Ақтөбеде «Нұрлы жол» бағдарламасы аясында әлеуметтік нысандардың құрылысына 4 млрд теңге бөлінді

9 Маусым, 2015 12:54

«Нұрлы жол» бағдарламасы аясында облыстық орталыққа баспана құрылысы және әлеуметтік нысандар құрылысына Ұлттық қордан 3 979,3 млн теңге бөлінді, деп хабарлады Ақтөбе қаласының ішкі саясат басқармасы.

Жыл соңына дейін Нұр Ақтөбе шағын ауданында 10 тұрғын үй секциясы салынады, балабақша мен мектеп салынбақ. Тұрғын үй құрылысына 2,5 млрд теңге бөлінеді.

Нұр Ақтөбе ауданының тұрғындарына осы жылы ашылатын 1200 орындық мектеп пен 320 орындық балабақша беріледі.

«Нұрлы жол» бағдарламасы бойынша Ақтөбеде білім беру нысандарын салу үшін Ұлттық қордан 1 млрд теңгеге жуық ақша бөлінеді. Бұл қаржыға Заречный-3 , Кирпичный ауылдарында 600 және 320 орындық балабақшағ Қарғалы ауданында 320 орындық бақша ашылады.

Қазіргі таңда 3 нысанның құрылысына келісім шарттар дайындалуда. Олар «Нұрлы жол» бағдарламасы бойынша қаржыландырылады.

3 нысанның құрылысының аяқталуы осы жылдың соңына дейін аяқталмақ. Ұлттық қордан бөлінген жалпы қаржы 329,3 млн теңгені құрады.