ҚТЖ жетекшісі мен Түрікменстан президенті транзиттік көліктік әлеуетін кеңейту мәселелерін талқылады
Кездесуде «ҚТЖ» ҰК» АҚ президенті Түркменстан президентін екі ел арасындағы транзиттік көліктік әлеуетін әрі қарай дамыту барысы мен болашағы туралы жайлармен таныстырды.
Түркменстан президенті Гүрбангұлы Бердімұхамедов халықаралық «Солтүстік-Оңтүстік» темір жол транзиттік әлеуетін өсірудің маңызына тоқталды. Ол үшін бірлескен серіктестік жайына назар аудара отырып, аймақта бірлескен концорциумдар құру арқылы транзиттік жүктерді шоғырландырып, жүк ағындарының дистрибуциялық орнын белгілеп, құрлықтағы жеткізудің оңтайлы тізбегін жасақтауға назар аударды.
А. Мамин Түркменстанның «Қазақстан-Түркменстан- Иран темір жол дәлізі құрылысы» жобасын жүзеге асыру арқылы Еуразиялық көлік жүйесін жүзеге асыруда, Парсы шығанағы елдері, Индия, Иранды Қытайдың батыс аймағымен, Кавказбен, Ресеймен және Еуропа Одағы елдерімен байланыстыратын жаңа көліктік дәліз конфигурациясын жасақтауда мол еңбек сіңіргендігін атап өтті.
Аталмыш дәліздің теңіз көлігімен жүк тасымалдауға қарағанда бәсекелестігі жоғары ғана емес, ол дәліз арқылы жылына 15 миллион тоннаға дейін жүк тасымалдауға болатындығы белгілі болып отыр.
