Б.Бекнияз: Су ресурстарын басқару жобасы осы салада қалыптасқан мәселелерді шешуге серпін береді

«Су ресурстарын басқару жөніндегі бағдарламада республикалық және жергілікті бюджет есебінен қаржыландыруды қажет ететін дүниелер бар. Сондай-ақ онда заңнаманы, тариф саясатын, су саласына жаңа технологияларды тарту сияқты шараларды қамтамасыз етуге бағытталған талаптар бар. Бұл мәселелер назардан тыс қалмауы керек болатын. Сол себепті біз ЕО қайырылып, осы мәселе бойынша көмек көрсетуді өтіндік. Олар біздің өтінішімізді қабыл алып, тиісті грант бөлді»,-деді Б.Бекнияз.

Оның сөзінше, «Қазақстанның «жасыл экономика» үлгісіне көшуін қолдау» су саласында қордаланған көптеген мәселелердің шешілуіне серпін береді.

«Біз бұл жобадан су ресурстарын басқару бағдарламасында көрсетілген мәселелердің барлығын көргіміз келеді. Бағдарламадағы үлкен блок су ресурстарына арналады. Біздің пікірімізше, бағдарлама су саласындағы көптеген мәселелердің шешілуіне оң ықпал етеді. Мемлекеттік бағдарлама енді ғана жүзеге асырыла бастады. Біз оның барысында қандай да бір қателік жібермес үшін дамыған елдердің тәжірибелерін пайдаланып, оларды өз елімізде енгізуіміз керек»,-деді комитет төрағасының орынбасары.  

Анар Тәңірқұлова