Әлемдік және дәстүрлі діндер көшбасшылары V съезінің басты тақырыбы жастар мен діннің қарым-қатынасы болмақ

8 Маусым, 2015 18:03

Астанада өтетін Әлемдік және дәстүрлі діндер көшбасшылары V съезінің басты тақырыбы «Бейбітшілік пен келісім үшін дін басшылары мен саясат қайраткерлерінің диалогы» болмақ. Аталмыш тақырып аясында, оның бір бағыты ретінде «Жастар мен діннің қарым-қатынасын» талқылау көзделуде. Шара қарсаңында Мәскеу-Астана бейнекөпірі өтті, онда дәстүрлі діндер өкілдері аталмыш мәселе бойынша өз ойларын білдірді.

«Жастар мен діннің қарым-қатынасы мәселесі өте қиын. Біздің діни бірлестіктеріміздің өкілдері қасиетті жазбаларды жастарға дұрыс түсіндіре білу керек, осылайша ортақ тіл тапқан жөн. Осы бағытта Съезд барысында бірқатар құжаттар қабылдануы мүмкін», - деді ЮНЕСКО-ның этникалық және діни толеранттылық бойынша кафедрасының меңгерушісі Ғаділбек Шалахметов.

«Хазірет Сұлтан» мешітінің имамы Мақсат Қайырғалиев атап өткендей, бүгінде жастар руханиаттан арылуда, «Жаратқан ием берген ішкі байлықты біз өз қолымымызбен құртуға тырысамыз. Адам өз құндылықтарын жоғалта бастағанда, көптеген проблемаларға ұшырайды. Сондықтанда өз-өзіне қол жұмсау жағдайлары көбеюде. Осы бағытта Қазақстандағы мұсылманардың рухани бірлестігі жұмыс істеуде», - деп атап өтті М. Қайырғалиев.

Сонымен қатар, дін қызметшісі Роман Богдасаров толықтырып кеткендей, бүгінде дәстүрлі діндер жастарды өз жұмысына көптеп тарту арқылы олардың өз орнын табуға көмектескені жөн.

Ботагөз Айтжанова

Барлық жаңалықтар