• Басты
  • Н.Назарбаевтың 200-ден астам қоғамдық наградасы ҚТП музейіндегі көрмеге қойылды (ФОТО)

Н.Назарбаевтың 200-ден астам қоғамдық наградасы ҚТП музейіндегі көрмеге қойылды (ФОТО)

8 Маусым, 2015 17:48
Қазақстан Республикасы Тұңғыш Президентінің музейінде Қазақстан Республикасы Президентінің қоғамдық наградаларынан құралған экспонаттардан тұратын «Жоғары дәрежедегі мойындау» атты көрме ашылды.

Қазақстанның халықаралық аренадағы тату көрші мен ынтымақтастыққа бағытталған қызметі,  әлемдік қоғамдастық тарапынан жылы қабылданып, республика халқы мен оның басшысына деген сый-құрметін қалыптастырады. Оның жарқын дәлелі көптеген мемлекеттермен қатар халықаралық ұйымдардың басшылары да Елбасының еңбегін жоғары бағалап, түрлі кезеңдерде жоғары деңгейдегі нагардалармен марапаттады.     

«Көрменің ерекшелігі - Қазақстанның Тұңғыш Президенті музейіне Н.Назарбаевтың қоғамдық наградаларының коллекциясы қойылған. Бұл коллекция әзірге көпшілікке беймәлім, оны ешкім осы уақытқа дейін жүйелеген жоқ. Ал біз оны бүгін жүйелеп, қалың көпшіліктің назарына ұсынып отырмыз»,-деді ҚР Тұңғыш Президенті музейі директорының орынбасары Күләйша Ақтаева.  

Оның сөзінше, осы күнге дейін коллекцияда жалпы саны 500-ге жуық заттар сақталған. Олардың арасында қоғамдық және үкіметтік емес ұйымдардың, сарапшылар қоғамдастығының, түрлі мемлекеттердің марапаттаулары бар. «Коллекцияда 500-ге жуық наградалар немесе марапат ретінде берілген заттар бар. Алайда, біз олардың арасынан нақты бір түсінік қалыптасу үшін  жүйелеп, 200-ге жуығын көрмеге қойдық»,-деді К.Ақтаева.    

Индира Кауметова

 

 

Барлық жаңалықтар