Сарапшы: Әлемдік және дәстүрлі діндер көшбасшылары диалогтік алаңға ие болуы маңызды
8 Маусым, 2015 16:57
Біз өмір сүріп жатқан күрделі кезеңде адамдар оның ішінде әлемдік дін көшбасшыларының бір-бірімен қарым-қатынас орнатуы өте маңызды, деді Мәскеу-Астана бейнекөпірі барысында Астана Успен кафедралды соборының дін қызметшісі Дмитрий Байдек.
«Әлемдік және дәстүрлі дін көшбасшыларының V Съезінің маңызы өте жоғары. Біздің күрделі заманда адамдар бір-бірімен оның ішінде дәстүрлі дін өкілдері қарым-қатынас құрғаны маңызды. Біз Еуропа, Таяу Шығыста болып жатқан оқиғаларға қарап түңілеміз. Ол түсініспеушіліктен болып жатқан дүние. Сондықтан дін өкілдерінің диалог алаңы болған маңызды», - деді Д.Байдек.
Оның айтуынша, Астана Съездің өткізілуіне бекер таңдалып алмады.
«Біздің елде 14 ұлт өкілдерінің тобы бейбіт өмір сүруде. Біз сыйластықта күн кешуді үйрендік. Біз осы тәжірибемізбен бөлісуіміз керек. Қазақстан мен Ресей арасында әр түрлі діндер тәжірибесінде ұқсастық көп. Съезге келушілермен бөлісу парызымыз», - деді ол.
Ботагөз Айтжанова
