• Главная
  • Әлемдік және дәстүрлі діндер көшбасшыларының V съезіннің дүниежүзі бойынша баламасы жоқ
8 июня, 2015 16:28

Әлемдік және дәстүрлі діндер көшбасшыларының V съезіннің дүниежүзі бойынша баламасы жоқ

Конгресстің әлемде еш баламасы жоқ, ол әлемдік және дәстүрлі діндер көшбасшыларының басы біріктіріліп, қоғамдағы жаһандық мәселелер талқыланатын алаң, деп мәлімдеді «Хазірет Сұлтан» мешіті бас имамының орынбасары Мақсат Қайырғалиев Мәскеу-Астана бейнекөпірі барысында.
Әлемдік және дәстүрлі діндер көшбасшыларының V съезіннің дүниежүзі бойынша баламасы жоқ

«Конгресстің әлемде еш баламасы жоқ, ол әлемдік және дәстүрлі діндер көшбасшыларының  басы біріктіріліп, қоғамдағы жаһандық  мәселелер талқыланатын алаң. Жаһандық мәселелер ретінде дінаралық және конфессияаралық проблемалардың нәтижесінде адамзаттың бірқатар бөлігінің босқындарға арналған қалалар мен ауылдарда өмір сүруге мәжбүр екенін түсінген жөн», - деді имам М.Қайырғалиев.

Имам атап өткендей, Астана алаңында осы және өзгеде дін және конфессия басшылары  жиналады, олар өзге жерлерде бір келіссөз үстеліне отырмайды.

«Ислам өкілі ретінде айтарым ислам  бейбітшілік, жақсылық діні және оның басты насихаты адамзатты келісім мен бейбітшілікке шақыру болып табылады. Мүмкін сондықтанда ислам аумағында шіркеулер, синагогалар, яғни өзге дін өкілдіктері болған», - деп толықтырды  М.Қайырғалиев

Естеріңізге сала кетейік, Астанада маусымның 10-11 аралығында Әлемдік және дәстүрлі діндер көшбасшыларының V съезі өтеді.

Ботагөз Айтжанова