• Басты
  • СҚО-да «Мерейлi отбасы» ұлттық байқауының мәресіне 29 отбасы шықты

СҚО-да «Мерейлi отбасы» ұлттық байқауының мәресіне 29 отбасы шықты

8 Маусым, 2015 17:31
Солтүстік Қазақстан облысында «Мерейлі отбасы» ұлттық байқауының облыстық кезеңінің қорытындысы шығарылып, оған облыс аудандары мен Петропавл қаласынан 57 отбасы қатысты.

Аймақ әкімдігінің хабарлауынша, финалға 29 отбасы шықты. Олардың барлығына дипломдар мен ақша салынған конверттер берілді.

«Мемлекет басшысының бастамасымен қолға алынған бұл байқаудың маңызы өте зор. Отбасы кез-келген азаматтың өміріндегі маңызды мәселе. Бұл біздің барлығымызды жақындарымызды қамқорымызға алып, оларға жылылық лебін сездіру үшін жақсы дүниелерге қарай итермелейді. Мен осы байқауға қатысқан барлық отбасы мүшелеріне тағы да алғысымды білдіремін»,-деді облыс әкімі Ерік Сұлтанов.     

Финалдық байқауда обыс әкімі аймақтық кезеңнің жеңімпаздарының аттарын атады. Үшінші орынға М.Жұмабаев және Жамбыл аудандарынан келген Тәкібаевтар мен Адам отбасылары табан тіресе, екінші орынға Тимирязев ауданының тұрғындары Сосновтар мен Шалақын ауданынан Құсайыновтар отбасы қол жеткізді. Бірінші орынды Мамлют ауданы мен Петровпавлдық Мәмбетовтар және Демьяновтар отбасы олжалады.  

«Енді облыстық кезеңнен жеңімпаз атанып шыққан Мәмбетовтер мен Демьяновтар отбасы «Мерейлі отбасы» байқауының республикалық кезеңінде Солтүстік Қазақстан облысының атынан шығады»,-делінген хабарламада.

Естеріңізге сала кетейік, «Мерейлі отбасы» ұлттық байқауы 2014 жылдан бастап, еліміздің аймақтары бойынша ұйымдастырылып келеді. Мұндай өкімге Мемлекет басшысы Нұрсұлтан Назарбаев қол қойған болатын. Байқау отбасы құндылықтарын насихаттау мен отбасы мәртебесін көтеруді мақсат етеді.     

 

 

 

 

Барлық жаңалықтар