Маңғыстау облысында ҰБТ қорытындыланды
8 Маусым, 2015 15:21
Маңғыстау облысында ҰБТ-ны тапсыру аяқталды, оған 2 736 түлек қатысты, бұл түлектердің жалпы санының 65,3%, деп хабарлады облыс әкімдігі аймақтық білім беру басқармасына сілтеме жасай отырып.
Маңғыстау облысында ҰБТ-ны тапсыру 4 пунктіде 3, 5 және 7 маусымда өтті. Аудиториядан шеттелгендер болмады. 2015 жылы ҰБТ-ы бойынша орташа бал 75,74 (2014 ж 74,5) құрады, бұл өткен жылмен салыстырғанда 1,3 баллға жоғары.
«Алтын белгіге» 76 үміткердің 46 өз білімдерін растады (2014 жылы 74-тің 40). Ал, шеткі балды 538 түлек жинай алмады (2014ж 476). Бес пән бойынша 100 және оданда жоғары баллды 320 түлек жинады (2014ж 229), деп әкімдіктен түсіндірді.
Ал, облыс бойынша жоғарғы нәтиже 123 баллды Рауан Мұратбеков, Айдана Асылбекова мен Павел Мухин есімді түлектер көрсетті.
ҚР БҒМ-ның 22.05.2015 жылғы №320 бұйрығына сәйкес Маңғыстау облысында халықаралық олимпиада мен ғылыми жобаларға қатысқан 68 түлек ҰБТ-ны тапсырудан босатылды.
