5 реформа аясында «Ашық үкімет» платформасын жасақтау жоспарлануда - Рақымжанова

8 Маусым, 2015 13:08

2015 жылдың күзінде 5 реформа аясында «Ашық үкімет» платформасын жасақтау жоспарлануда, деп хабарлады ҚР Тұңғыш Президенті - Ұлт көшбасшысы кітапханасы стратегиялық зерттеулер және болжау бөлімінің жетекші ғылыми қызметкері Анар Рақымжанова ОКҚ-да өткен баспасөз-конференциясында.

«Салық саясатындағы өзгерістерге келетін болсақ, міндетті декларация тапсыру, орталық салық есебі, мемлекеттік табысты тіркеу тиімділігін арттырады және бір уақытта аталмыш қаржылардың шығындалуын халыққа бақылауға мүмкіндік береді. «Ашық үкімет» жобасын жүзеге асыру жоспарлануда. Бүгінде бұл мәліметтердің белгілі бір бөлігі қол жетімді», - деп хабарлады А.Рақымжанова.

Оның айтуынша, күзде ашық үкіметтің алдын-ала платформасы жасақталады.

«Аталмыш платформа кезең-кезеңімен мемлекеттік қызметтермен толықтырылатын болады, және азаматтар бюджет шығынын бақылау процесіне белсенді қатысатын болады. Тағы бір қадам, бұл бағытта жергілікті билік органдарының жауапкершілігін арттыру болып табылады», - деп толықтырды ол.

Ботагөз Айтжанова

Барлық жаңалықтар