Қызылорда облысында бүлдіршіндер балабақшамен толық қамтылады – әкімдік

8 Маусым, 2015 14:32

Биыл Қызылорда облысында «Балапан» бағдарламасы аясында бүлдіршіндер балабақшамен толық қамтамасыз етіледі, деп хабарлады облыс әкімдігі.

Бұл – жеке әріптестік бойынша кәсіпкерлер көмегімен қол жеткізілген жетістік. Қызылорда облысында бес балабақша жаңа технологияларды оқу процесіне енгізу үшін сынақ ретінде таңдалды.

Соның біреуі – «Ертарғын» балабақшасы. Балабақшада бүлдіршіндердің жан-жақты дамуына барлық мүмкіндіктер қарастырылған. Мұнда бірнеше үйірме жұмыс істейді. Арт-терапия, шахмат үйірмесі бар және балақалайлардың бимен машықтануына да болады. Ал, олардың денінің сау, шымыр болуы үшін арнайы жаттығу залы жабдықталған.

Қызылорда бала туу көрсеткіші бойынша елімізде алғашқы үштікте. Сондықтан да балабақшаға сұраныс жоғары. Сәйкесінше, сұранысты қанағаттандыру көрсеткіші де көтерілуде.

Айта кетейік, 2013 жылы «Балапан» бағдарламасының орындалуы – 80,9 пайыз болса, биыл оны 100 пайызға жеткізу межеленген.