• Басты
  • Өрт өрт сөндіру бөлімдерінің 12 құрамасы өрт - құтқару спорты бойынша гарнизон аралық жарысқа қатысты (Фото)

Өрт өрт сөндіру бөлімдерінің 12 құрамасы өрт - құтқару спорты бойынша гарнизон аралық жарысқа қатысты (Фото)

8 Маусым, 2015 13:46
Астана қаласы ТЖД «ӨС және АҚЖҚ» ММ өрт – құтқару спорты бойынша гарнизон аралық жарыс өткен болатын. Жарысқа астаналық өрт сөндіру бөлімдерінің 12 құрамасы қатысты, деп хабарлады ведомство.

«Астана қаласы ТЖ Департаментінің бастығы өртке қарсы қызмет полковнигі  Б.О.Дұзақбаев жарыс шымылдығын  өз құттықтау сөзімен ашты. Ол қызметкерлерді кезекті өрт – құтқару спорты бойынша жарыстың басталуымен құттықтап, жоғары нәтиже көрсетулеріне тілек білдірді. Дәстүр бойынша спортшылар Қазақстан Республикасының әнұранын орындады. Осылайша спартакиада ашық деп жарияланды», - делінген хабарламада.

ТЖД хабарлағандай, спартакиада 4 спорт түрі бойынша 2 күнге жалғасты: шабуыл сатысы бойынша көтерілу, эстафета (4*100), кедергілері бар 100 метрлік жолақтан өту,  жауынгерлік өрмелеу. Әр спортшы көп айлық жаттығуларының нәтижесін  көрсетуге тырысты. Сайыс жоғары қарқынмен өріс алып, спорт кешенінің аумағы спортшылар мен көрермендерге лық толы болды.

Екі күннің қорытындысына сәйкес ең мықты деген командалар жеңіс тұғырынан көрінді:  № 9 ӨСБ – 1 орын, №16 МӨСБ – 2 орын, №3 МӨСБ – 3 орын, сондай-ақ №8 және 5-ші өрт сөндіру бөлімдерінің құрамалары   жақсы нәтижеге қол жеткізді (4, 5 орын).

Қорыта айтқанда, сайыс жоғары деңгейде өтті. Бұған себеп -  спортшылардың жақсы дайындықтары екендігі сөзсіз. 

Барлық жаңалықтар