Сочиде «1520 кеңістігі» аясына ықпалдасу мәселесі талқыланды
Форум барысында ТМД, Еуроодақ, Азияның «1520 кеңістігіне енетін 30 елінен 345 жетекші компаниялары тасымалдау үдерістерін, көлік инфрақұрылымын жаңғырту, инвестиция тарту, соңғы үлгідегі жылжымалы құрам өндірісі бойынша жаңа экономикалық ахуалға байланысты темір жол саласын дамыту, сонымен бірге бәсекелестікті күшейту жайын қарастырды, деп хабарлады «ҚТЖ» АҚ.
Онда сөз сөйлеген Асқар Мамин Мемлекет басшысы Н. Назарбаевтың қолдауымен «Нұрлы Жол» жаңа экономикалық бағдарламасы аясында инфрақұрылымдық даму тегершіктері жүзеге аса бастағандығын хабарлады.
«Барлық көлік активтерін: автожол, Каспий порты инфрақұрылымы, әуежайларды ауқымды жаңғырту – бірқатар халықаралық транзиттік көлік дәліздерінің жұмысын Ресей мен Еуропа елдеріне Қазақстан аумағы арқылы бағыттауға мүмкіндік әперді»,-деп атап өтті ҚТЖ президенті.
Асқар Маминнің айтуынша, 2020 жылдарға дейін Қазақстанның инфрақұрылымдық жобаларын жүзеге асыру Еуразиялық мемлекеттер мен әлемдік нарыққа шығуға мүмкіндік ашады.
Форум аясындағы талқылауларда магистральдегі жүрдек пойыз қозғалысы, темір жол саласын қазіргі экономикалық жағдай мен нарықтық айқындаманы бекіту «1520 кеңістігі» аясына ықпалдасуды қажет етеді.
