Қазақстан және Словения парламентаралық және іскерлік ынтымақтастықты кеңейтуге ниетті
Словения Республикасы Ұлтық Ассамблеясының вице-президенті Примож Хайнцпен кездесу барысында екіжақты қарым-қатынастардың ағымдағы мәселелері және Қазақстан мен Словения парламентаралық ынтымақтастығының болашағы талқыланды.
Қ.Сарыбай Қазақстанның екі ел арасындағы инвестициялардың кеңеюіне, мәдениет пен білім салаларындағы екіжақты қарым-қатынастарды жандандыруға мүдделілігін атап өтті. Сонымен қатар, экономикалық қарым-қатынастарды дамыту жөніндегі екі ел іскерлік топтарының бастамаларына саяси қолдау көрсетудің маңыздылығын атап көрсетті. Бұл тұрғыда екі ел кәсіпкерлерінің қоғамдық бастамасымен Любляна және Алматы қалаларында 2014 жылдың соңында құрылған Қазақстан-словен бизнес клубының (КСБК) жұмысы айқын көрсетілді.
Өз кезегінде, Словения Республикасы Ұлтық Ассамблеясының вице-президенті П.Хайнц Словения Парламентінің Қазақстан Республикасымен екіжақты өзара іс-қимылды одан әрі нығайтуға және кеңейтуге мүдделі екенін растады, сондай-ақ осы бағыттағы қабылданып отырған барлық
іс-қимылдарға жәрдемдесуге және қолдау көрсетуге әзірлігін білдірді.
Словения Республикасы Сыртқы істер министрлігінің Мемлекеттік хатшысы Драголюб Бенчинамен өткен кездесу барысында екіжақты қарым-қатынастардың өзекті мәселелері, соның ішінде маңызды экономикалық келісімдерге қол қою жоспарланған Қазақстан-словен үкіметаралық комиссиясының ү.ж. қыркүйектегі кезекті отырысы талқыланды.
Қазақстан елшісі Словения бизнес қоғамдастығының өкілдерімен, атап айтқанда КСБК Люблян офисінің мүшелерімен және ірі словен қалалары Ново-Горице мен Мариборе қалаларындағы Қазақстан Республикасының құрметті консулдарына ықтимал кандидаттармен кездесу өткізді. Олармен кездесу барысында екіжақты ынтымақтастықты кеңейту жөніндегі нақты жоспарлар мен Словенияда Қазақстан туралы білімді сүйемелдеу жөніндегі шаралар талқыланды.
