Астанада «Мерейлі отбасы» байқауы аясында 6 отбасы қалалық деңгей бойынша марапатталды

5 Маусым, 2015 17:16

Қазақстанда 2-ші жыл қатарынан ҚР Президентінің бастамасымен «Мерейлі отбасы» ұлттық байқауы өтуде. Бүгін салтанатты түрде 1,2,3 орынға ие болған отбасылар марапатталды.

«Бүгін астаналық «Мерейлі отбасы» байқауы өтті. Бірінші айналымның ақтық сайысына екі отбасы шықты: Жүгінісовтар отбасы – музыкалық жанұя, Елеусіновтар – спорттық жанұя. Қыркүйек айында республикалық байқаудың ақтық мәресі өтеді. Осы жылы Астанада «Мерейлі отбасы» байқауына қатысу үшін 51 отбасы өтінім берді. Өткен жылы олардың саны 44 болған. Бүгін 6 отбасы марапатталды, екі отбасыдан 1,2,3 орын алды», - деді Әйелдер ісі және отбасылық-демографиялық саясат ұлттық комиссияның мүшесі Шолпан Сыздықова.

Ш.Сыздықова атап өткендей, іріктеуге отбасылық құндылықтар, дәстүр мен әулеттің өміршеңдігі әсер етті.

«Бұл талаптар байқау қатысушысын анықтады. Оған қоса, қатаң қадағаланған құжаттар топтамасы қажет болды», - деді ол.

Байқау үш кезең бойынша өтті. «Мерейлі отбасы» ұлттық байқауын өткізу талабына сәйкес, 2015 жылдың сәуірінде Астана қаласының тұрғындарынан құжат қабылдана бастады. Әкімдікке 51 өтініш түсті. Қорытынды кезең осы жылдың күзінде өтеді.

Ботагөз Айтжанова

Барлық жаңалықтар