Қазақстанның Әскери әуе күштеріндегі кіші инженерлер 60 күндік тәжірибе курсынан өтуде
Екі ай бойы Әуе қорғанысы күштері әскери бөлімдерінің 30-дан аса әскери қызметшісі іс жүзінде ұшақ қозғалтқыштарын, авиация қаруларын, ұшу аппараттарының радиоэлектрондық жабдықтары мен ұшуларды қамтамасыз ететін әуе құралдарын жөндеуді іске асырды.
Кіші авиация мамандары мен кіші инженерлер қазақстандық Әскери-әуе күштеріндегі қару-жарақ құрамына кіретін авиация техникаларының барлық түрлерімен жұмыс жасады. Сондықтан мамандарды оқыту пәндердің кең ауқымын қамтыды.
«Мамандарды даярлау үдерісі жан-жақты және жауапкершілікке толы. Әскери қызметшілерді оқыту сапасы әскери бөлімдердің жауынгерлік даярлығына, әуеайлақтарды әскери мақсатта пайдаланудың ұдайыдайындығына байланысты. Мамандарды теориялық тұрғыда даярлау жұмыс барысында анағұрлым ұзақ кезең болып саналады. Осы орайда жеке жұмысты, оқушының жеке қасиеттерін пысықтау және оның кәсіби шеберлігін арттыру ерекше маңызға ие», - деп оқу орталығының оқытушысы майор Александр Брытков атап өтті.
