Қазақстанда сыйлық пен грант тағайындауға ұсынымдар қабылдау мерзімі ұзартылды
5 Маусым, 2015 10:27
Мемлекет басшысының БАҚ саласындағы сыйлығы мен грантын беру, сондай-ақ Алғысын жариялау үшін ұсынымдар қабылдау мерзімі ұзартылды, деп хабарлады Ақорданың баспасөз қызметі.
"Қазақстан Республикасы Президентінің Баспасөз қызметі 5 мамыр мен 5 маусым аралығына тура келетін мереке күндерін ескере отырып, Мемлекет басшысының БАҚ саласындағы сыйлығы мен грантын беру, сондай-ақ Алғысын жариялау үшін ұсынымдар қабылдау мерзімін 10 маусымға дейін ұзарту жөнінде шешім қабылданғанын хабарлайды", - делінген хабарламада.
Мемлекет басшысы сыйлығының лауреаттары 2 миллион 200 мың теңге, сондай-ақ алтын төсбелгі алады. Грант иегерлеріне 1 миллион 764 мың теңге беріледі.
