Мемлекеттік рәміздер-тәуелсіздігіміздің ұлттық символы – Б.Дұзақбаев

5 Маусым, 2015 10:43

Мемлекеттік рәмідеріміз-елдің ұлттық құндылығын білдіретін нышандар. Еліміздің рәміздерінің мағынасын терең түсіну, оны қорғай білу – Қазақстан азаматтарының борышы. Әрбір елді оның рәміздерінен және ел басшыларынан таниды, деді Астана қаласы Төтенше жағдайлар департаментінің бастығы өртке қарсы қызмет полковнигі Барат Дұзақбаев Strategy2050.kz АА берген сұхбатында.

«Еліміз егемендік алғаннан кейін, 1992 жылы 4 маусымда Мемлекеттік рәміздер Ту, Елтаңба, Әнұран бекітілді. Елбасымыз Нұрсұлтан Назарбаев Жарлығымен 4 маусым «ҚР Мемлекеттік рәміздер күні» болып белгіленді. Ұлттық нышандарымыз-мемлекеттің ажырамас бөлігі. Мемлекеттік рәміздеріміздің белгіленуі еліміздің әлемдік деңгейде танылуының бір белгісі. Сол себепті де рәміздер күні – қазақ елі үшін айтулы мереке», - дейді елордалық Төтенше жағдайлар департаментінің бастығы Барат Дұзақбаев.

«Астаналық ТЖ Департаментінде де Рәміздер күні ерекше атап өтіледі. Мемлекеттік рәміздерімізді насихаттауға арналған салтанатты жиын барысында қызметкерлеріміздің қатарын толықтырған мамандар салтанатты түрде ант қабылдайды. Бұл мереке – еліміздің әр азаматы үшін ерекше маңызға ие күн деген ойдамын» , - деп атап өтті Департамент басшысы.

Барлық жаңалықтар