• Басты
  • Ресей эстрадасының жұлдызы М. Фомин Астанада көз жанарынан айырылған балалармен кездесті (Фото)
4 Маусым, 2015 19:08

Ресей эстрадасының жұлдызы М. Фомин Астанада көз жанарынан айырылған балалармен кездесті (Фото)

Ресей эстрадасының жұлдызы Митя Фомин бүгін Астана қаласындағы мектептердің бірінде көз жанарынан айырылған, есту қабілеті бұзылған балалармен кездесті.
Ресей эстрадасының жұлдызы М. Фомин Астанада  көз жанарынан айырылған  балалармен кездесті (Фото)

«Дара» қайырымдылық қоры ұйымдастырып отырған бұл шарада танымал әнші балалардың сұрақтарына жауап беріп, олармен бірге ән шырқады. Қазақстанның қонақжайлығына тамсанған әнші балаларды мерекелерімен құттықтап, өзінің балалық шағынан қызықты естеліктерімен бөлісті.

«Бала кезімде әнші болуды қатты армандайтынмын. Үйде әртүрлі үнтаспаларды қосып, айнаның алдында ән салатынмын. Содан алдыма үлкен мақсат қойып болашақта міндетті түрде сахна жұлдызы боламын деп өзіме серт бердім. Осы жолға келуге көп еңбек етіп, қазіргі таңда арманым толық орындалды десем де болады. Арман - сәттілікке бастар жолдың алғашқы баспалдағы. Сол үшін тек қана жақсылыққа ұмтылып, тек жақсы нәрселерді армандаңдар» деді М.Фомин кездесу барысында.

Сондай-ақ, әнші балалар арасындағы ең белсенді көрермендерге сыйлық табыстап, оларменбірге ән шырқады.

Айта кетейік, 5 маусымда Астанада «МузТВ» сыйлығын табыстау рәсімі өтеді. Аталған концертке Қазақстан мен Ресейдің 70-ке жуық әншісі қатысып, олар 100-ге тарта ән орындайды.

 

Барлық жаңалықтар