Ресей эстрадасының жұлдызы Диана Гурцкая қазақстандық зағип балалармен кездесті

Муз ТВ арнасының директоры Арман Дәулетияров өнер жұлдыздарының қайырымдылық акцияларына қатысуына келіскенін айтты. Сол акция барысында  Диана Гурцкая көзі көрмейтін балалармен кездесіп, сұрақтарына жауап беріп, қосылып бірге ән шырқады. 

Кездесу барысында көзі көрмейтін бірақ аса талантты балаларымыз ән шырқады. Балалардың орындаған әндеріне риза болған Диана Гурцкая өз алғысын білдіріп жатты.

«Мен бұл балалардың жағдайын жақсы түсінемін. Кезінде мені де ата-анам Тбилисидегі зағип балаларға арналған арнайы мектеп-интернатта оқытты. Өте арық, кіп-кішкентай қыз болатынмын. Ешқашан өзгелерге көз жасымды көрсеткен емеспін. Алғаш интернататқа апарған кезде ата-анам «Диана жылап тұрсын ба?» деп сұрады. Мен сенімді түрде жоқ деп жауап бердім. Шын мәнінде жан дүнием босап, үйге қайтқым келіп тұрған еді. Өмір маған көп нәрсені үйретті. Жарық дүниені бір көру бақыты бұйырмаса да, өмір маған жанашыр жандардың қамқорын сезіну бақытына бөледі.Бүгін, міне, өздеріңіз сияқты тағы да бір жанашыр жандармен кездесіп тұрмын. Мен бақыттымын, – деді әнші.