• Главная
  • Астана жетімдер үйінің тәрбиеленушілері Муз- ТВ премиясы аясында ресейлік және қазақстандық жұлдыздармен аққайың саябағын отырғызды
4 июня, 2015 17:21

Астана жетімдер үйінің тәрбиеленушілері Муз- ТВ премиясы аясында ресейлік және қазақстандық жұлдыздармен аққайың саябағын отырғызды

Астана жетімдер үйінің тәрбиеленушілері болашақтағы жоспарлары мен армандарымен «Дуэт L», «X-Factor-2014» байқауының жеңімпазы Евгений Выблов, ресейлік әнші Эминмен бөлісті.
Астана жетімдер үйінің тәрбиеленушілері Муз- ТВ премиясы аясында ресейлік және қазақстандық  жұлдыздармен аққайың саябағын отырғызды

Шара «Біз инклюзивті қоғам үшін» әлеуметтік акциясы аясында «Дара» қоры мен Муз – ТВ премиясының бастамасымен өткізілді.

«Осы шараға дейін әрбір бала «Менің болашақ отбасым» шығармасын жазды. Бұл шығармалар бір капсулаға жиналды. Бүгін көшеттермен бірге өз армандарына гүл бітірді. Біз олардың армандары шығармаларында жарық көргенін қалаймыз. Меніңше, бұл акцияларды жиі өткізу қажет», - деді балалар үйінің директоры Гүлмира Қарыбаева.

Оның айтуынша, ұйымдастырушылардың арқасында  тәрбиеленушілер Муз-ТВ премиясына барады. Балалар үйінде 5-18 жас аралығындағы 164 бала бар. Балалар коттедж үйлерде тұрады. Тәрбиелеушілер оларды күні-түні қадағалауда ұстайды. Екі жыл бұрын балалар үйі жанындағы мектеп ҚР Білім және ғылым министрлігінің тапсырысымен жабылды. Қазір тәрбиеленушілер қала мектептерінде білім алуда. Бұл шара балаларды жылдам әлеуметтендіруге бағытталды.

«Бұл жерде ең таза, шынайы аура қалыптасқан. Мен осында бірнеше мәрте болдым. Мен жетімдер үйінің тәрбиеленушісі ретінде өзге балалар үйлерімен араласамын. Мен қазірдің өзінде шығармашылық жұмыспен балалар үйіндегі істерімді ұштастырып отырамын. Оларға ән айтуды үйретем. Осы жерде менің інілерім мен ағаларым бар, олар осы өмірде өз орындарын тапқанын қалаймын», - деді Евгений Выблов.

Ресейлік әнші Эмин және «Дуэт L» тобы балаларға сәттілік пен армандарының орындалуын тіледі.

Анар Тәңірқұлова