Ақмола облысында 25000 адам бір уақытта ҚР Мемлекеттік Әнұранын орындады (ФОТО)

4 Маусым, 2015 17:03

Аймақ басшысы «Менің мемлекеттік рәміздерім» жастардың фото-суреттер көрмесіне қатысты. Одан кейін, шара аясында «Қазақелі - Мәңгілік ел!» театрландырылған көрініс қойылды, деп хабарлады облыс әкімдігі.

Республикалық акцияға қолдау көрсету мақсатында залда отырғандардың барлығы ҚР мелекеттік Әнұранын орындады. Ақмола облысының барлық аудандарында бір уақытта 25 000 адам Әнұранды орындады. Сонымен қатар, аймақ басшысы игі шара аясында «Жыл патриоты» жеңімпаздарын марапаттады. Сергей Кулагин қатысушылардың барлығын мрейлі мерекесімен құттықтады.

Өз сөзінде облыс әкімі бүгінгі шараның маңыздылығын атап өтті.

«Мемлекеттік рәміздер Елбасының жүргізіп отырған саясатының құндылығын ашықтықты, еркіндікті, тәуелсіздік пен келісімді білдіреді. Бүгінде біздің азаматтарымыз Қазақстанның көк туының астында үлкен ерліктер жасауда. Бүгін біз мықты қазақстанды қалыптастыруда үлес қосып жатқандарды марапаттап жатырмыз. Бұл нағыз қазақстандық патриотизмнің өзі!», - деді әкім.

Акцияның арнайы қонағы ҚР Мемлекеттің Елтаңбасының авторы сәулетші Жандарбек Мәлібеков пен «Көк тудың желбірегені» әнінің авторы, әнші Ескендір Ибрагим болды.
Шара автордың «Көк тудың желбірегені» әнінің орындауымен аяқталды.

Барлық жаңалықтар