Қазақстан ТМД елдері арасында қолайлы инвестициялық қызметке жағдай жасау бойынша көш бастап тұр - Мамытбеков

«Жергілікті алғышарттарға келетін болсақ, мұндағы саяси тұрақтылықты, АӨК қызметінің нарықтық механизмдері мен инвесторлардың құқығын қорғау бойынша қабылданған шараларды атап өтуге болады. Оның үстіне, бүгінде аграрлық сектордың қолданыстағы заңнамасы әлемдік нарықтық экономиканың талаптарына сай. Бұл Doing Business рейтингтерімен дәлелденуде», - деп мәлімдеді  министр.

Айтап өткендей, Дүние жүзілік банктың Doing Business рейтингісіндегі әлемнің 189 экономикасының ішінде Қазақстан «Салық салу» көрсеткіші  бойынша  17 орында, «Миноритарлы инвесторларды қорғауда» - 25 орында, «Кәсіпорынды тіркеуде» - 55 орында тұр.  

А. Мамытбеков баса айтқандай, Қазақстанның ТМД елдері арасында қолайлы инвестициялық қызметті жүзеге асыруда  жағдай жасау бойынша көшбасында тұруы заңдылық. 
«Қазақстан ірі аграрлық мемлекет болған және солай қала бермек. Аграрлық сектордың еліміздің экономикалық және әлеуметтік дамуы тұрғысында маңызды және  ол халықтың жартысынан көбінің  табыс көзі. Осы ретте, аграрлық сектор тәуелсіздігіміздің алғашқы күнінен бастап экономикамыздың басымдылық берілген салаларының бірі болып белгіленген», - деді министр.
Индира Кауметова