Қазақстан Тәжікстанға әскери-техникалық көмек көрсететін болады
16 Қазан, 2013 11:10
ҚР Парламенті Мәжілісінің отырысында депутаттар «ҚР Үкіметі мен Тәжікстан Республикасы үкіметі арасындағы өтеусіз әскери-техникалық көмек көрсету туралы келісімді ратификациялау туралы» заң жобасын мақұлдады.
Келісімге сәйкес қазақстандық тарап тәжік тарапына қайтарымсыз әскери-техникалық көмек көрсетеді. Ол әскери қару-жарақ, гранаталар мен қару майы сынды заттар.
Әскери заттарды ҚР-сынан Тәжікстанға жеткізуді қазақстандық тарап қамтамасыз етеді, ол ҚР Қарулы Күштерінің әуе қозғалысы арқылы жүзеге асырылады.
