Қазақстандық шетелдік инвесторлар кеңесінің төрағасы Астанада өткен мәжіліс барысында бірқатар кеңестер ұсынды

«Біз кеңестің қарауына мынадай мәселелерді енгіземіз. Біріншіден, визасыз режиммен қарым-қатынас жасайтын мемлекеттер тізімін кеңейтеміз, ал бұрыннын визасыз қатынас жасайтын елдермен осы режимнің мерзімін ұзартамыз»,-деді У.Вокурка.

Екіншіден, салықтар мен айыппұлдарды талапқа сай төлеген жағдайда салықтық құқықбұзушылықтарды криминалдандыруға қарсы тұру бойынша ұсыныстар әзірлеу жағы қарастырылады. Сонымен қатар, жеке бизнес субъектілері арасындағы экономикалық қатынастар бойынша да қылмыстық әрекетттермен күрес жүргізіледі.

«Үшіншіден салық салу жұмыстарының нақты болуын қамтамасыз етеміз. Басқаша айтқанда, салық мәселесіне қатысты туындаған түсініксіздеу және қарама-қайшы мәселелерді қарау кезінде салық төлеушінің мүддесін қанағаттандыратын ережелер енгіземіз»,-деді төраға.       

Төртіншіден ол, жер қойнауын пайдаланушыларды «Инновациялық технологиялар паркі» кластерлік қоры мен Назарбаев университеті жанындағы «Astana Business Campus» ғылыми паркінің жобаларын қаржыландыру ісіне тарту мүмкіндіктері қарастырмақ.   

«Бесіншіден, жаңа технологияларды басым бағыттарға тиімді енгізу бойынша, білімі мен біліктілігі жоғары кадрлар дайындауды қамтамасыз ету жағын қарастырамыз»,-деді «Қазақстандық шетелдік инвесторлар кеңесі» қауымдастығының Басқарма төрағасы.

Индира Кауметова