БҚО-да Индустрияландыру картасы бойынша 35 жоба іске асырылуда
16 Қазан, 2013 11:00
Батыс Қазақстан облысында Индустрияландыру картасы бойынша 35 жоба іске асырылуда. Бұл жөнiнде бүгiн ҚР Президентi жанындағы Орталық коммуникациялар қызметiнде өткен баспасөз мәслихатында БҚО әкiмi Нұрлан Ноғаев мәлiмдедi.
«Индустрияландыру картасы бойынша жалпы құны 257 млрд теңгені құрайтын 35 жоба іске асырылып жатыр. Бұл жобаларды жүзеге асыру 1 750 жаңа жұмыс орнының құрылуына мүмкіндік береді. Қазіргі таңда 30 жоба іске қосылды. Осы жылдың соңына қарай тағы 3-ін іске қосу жоспарланып отыр және 2014 жылы тағы 2 жоба іске жұмыс істейді. Аталған 30 жобаның 21-і 50-100%-дық, 9-ы 50%-ға дейінгі жоспарлық қуатына шықты», - деді облыс әкімі.
