ШҚО-да үш жыл ішінде 10 мыңнан астам адам тілдік курстарды тәмамдады

Аталып өткендей, аймақта Тілдердің жұмыс істеуі мен оларды дамыту мемлекеттік бағдарламасы  белсенді жүзеге асырылып келеді. Жыл сайын мемлекеттік тілді меңгергісі келетіндер саны артуда. Ағымдағы жылы аймақта 1335 қазақ тілін, 517 адам ағылшын тілін меңгерді.

ШҚО-ның тілдерді дамыту бойынша басқармасы 10 жыл ішінде Елбасының Қазақстан халқына Жолдауында берген тапсырмалары мен міндеттерін, 2011-2020 жылдарға арналған тілдердің жұмыс істеуі мен оларды дамыту мемлекеттік бағдарламасын жүзеге асыру керек. Ол толығымен үш кезеңде жүзеге асырылу керек. Алғашқы кезең 2011 жылдан бастап 2013 жыл аралығында аяқталды.

Қазіргі таңда 2014-2016 жылдарға арналған екінші кезеңді жүзеге асыру жұмыстары жүргізілуде. Онда мемлекеттік қызметкерлердің мемлекеттік тілді білуі бойынша шағын шартарды енгізу көзделген. Сонымен қатар, бұл кезеңде мемлекеттік тілдерді оқыту орталықтарын тіркеу жұмыстары және олардың қызметіне рейтингтік баға беру енгізілетін болады.

Айта кетерлік жайт, облыс бойынша мектептер, балабақшалар, ұйымдар мен кәсіпорындар, құқықтық органдардың жанындағы лингвистикалық орталықтарда үйірмелер мен тілдік курстар жасақталған, онда 28 мыңнан астам адам білім алуда, ал KAZCENTER. KZ көмегімен 864 адам қазақ тілін үйренуде.