ШЫҰ Сыртқы істер министрлері ұйымының шілдедегі саммитін Уфада өткізу мәселесін талқылады

4 Маусым, 2015 10:21

Қазақстанның Сыртқы істер министрі Ерлан Ыдырысов Мәскеуде өткен Шанхай ынтымақтатық ұйымы (ШЫҰ) Сыртқы істер министрлері кеңесінің (СІМК) кезекті мәжілісіне қатысты. Мәжілістің мақсаты – ШЫҰ-на мүше мемлекет басшылары кеңесінің 9-10 шілдеде Уфа қаласында өтетін кезекті мәжілісіне сапалы дайындалу.

ҚР Сыртқы істер министрлігінің хабарлауынша, мәжіліс алдында ШЫҰ-ның Сыртқы істер министрлерін Ресей Президенті Владимир Путин қабылдап, оларды ШЫҰ-на төрағалық ету барысында Ресей ұстанатын басым бағыттардан хабардар етті.

«Қазақстандық министрге қайырылған В.Путин Қазақстан Президенті Нұрсұлтан Назарбаевтың Еуразия кеңістігіндегі ынтымақтастықты тереңдетуге зор үлес қосып, үлкен бастамалар көтергендігін айтты. Сондай-ақ Ресей басшысы ШЫҰ аясында ұйымның 2025 жылға дейінгі даму стратегиясының да қолдау табатынына сенім білдірді»,-делінген хабарламада.

ШЫҰ-ның СІМК мәжілісінде аймақтық және халықаралық деңгейдегі өзекті мәселелер, ШЫҰ аясында саяси, экономикалық және мәдени-гуманитарлық бағыттарда ынтымақтастықты дамыту мәселелері сөз болып, Мемлекет басшылары кеңесінің Уфада өткізу мәселесін келісті.

Барлық жаңалықтар