2015 жылы Көкшетауда 11 көппәтерлі үй пайдалануға беріледі (ФОТО)
4 Маусым, 2015 09:43
Көкшетауда 2015 жылы 11 көппәтерлі үй салу жоспарланып отыр, деп хабарлады Ақмола облысының әкімдігі.
Осыған қарай 26 мыңнан астам шаршы метр тұрғын үй пайдалануға берілмек.
Облыс орталығында жүргізіліп жатқан құрылыс жұмыстарының барысымен облыс әкімі Сергей Кулагин танысты. «Әкім 5-қабатты 30-пәтерлі екі үйдің, 7-қабатты 45-пәтерлі және «Васильковский» шағын ауданындағы 30-пәтерлі 4 үйдің құрылыс алаңдарында болды»,-делінген хабарламада.
Осы ретте айта кететін мәселе, осы уақытта абаттандыру жұмыстары аяқталуға таяу, ал алдағы 10 күннің көлемінде 150 тұрғынға, 30-пәтерлі үйлердің кілттері табыс етіледі. Жаңа қонысқа келушілер тұрғын үйді «Тұрғынүйқұрылысжинақ банкі» АҚ арқылы алады.
