ҚР Мемлекеттік рәміздер күні – азаматтарды патриоттыққа тәрбиелеудегі маңызды құрал

4 Маусым, 2015 08:56

Қазақстан Республикасының Мемлекеттік рәміздер күні үлкен жалпыхалықтық маңызға ие, өйткені ол азаматтарды патриоттыққа тәрбиелеудегі маңызды құрал болып табылады, деді «Қоғамдық-саяси үдерістердің сарапшылық-жобалау бюросы» қоғамдық қорының атқарушы директоры Оразғали Селтеев Strategy2050.kz ақпарат агенттігінің тілшісіне берген эксклюзивті сұхбатында.

«Бұл мереке сөз жоқ, жалпыхалықтық маңызға ие, өйткені ол азаматтарды, ең бастысы жастарды патриотизмге тәрбиелеудегі маңызды құрал болып табылады. Бізде Елтаңба, Ту, Әнұран бар. Меніңше, бүгінде «Мәңгілік ел» идеясы да жалпыхалықтық нышан іспеттес болып кетті. Бұл да маңызды рәміз, ол біріктіруші күшке ие»,-деді О.Селтеев.

Естеріңізге сала кетейік, 1992 жылдың 4-маусымында алғаш рет тәуелсіз Қазақстанның мемлекеттік рәміздері бекітілді. Кейінірек, Қазақстан Республикасы Президентінің 2007 жылдың 4-маусымындағы «Қазақстан Республикасы Президентінің 1998 жылдың 20-қаңтардағы «Қазақстан Республикасындағы кәсіптік және өзге де мерекелер туралы» №382 Жарлығына толықтырулар енгізу туралы» № 337 Жарлығына сәйкес, 4-маусым күні республикада Мемлекеттік рәміздер күні атап өтіледі.

Анар Тәңірқұлова

Барлық жаңалықтар