ШҚО-да Қазақстанның жемқорлыққа қарсы саясаты талқыланды (ФОТО)
Шараны Мемлекеттік қызметі істері және сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаменті Шәкәрім атындағы Мемлекеттік университетпен бірігіп ұйымдастырды, деп хабарлайды Ақпарат орталығы.
Конференция жұмысына еліміздің алдыңғы қатарлы жоғары оқу орындарының басшылар мен ғалымдары, облыстық сот, прокуратура, әділет салалары мен кәсіпкерлер палатасының өкілдері қатысты.
«Олар жемқорлыққа қарсы саясаттың дайындалуы мен жүзеге асырулының ғылыми және оқыту аспектілерін, ҚР мемлекеттік қызмет жүйесіндегі жемқорлыққа қарсы тетіктерді жетілдіруді, мемлекет пен бизнестің байланыстары саласына жемқорлықтың алдын алу мәселелері талқыланды»,делінген хабарламада.
Шарада Мемлекеттік қызмет істері және жемқорлыққа қарсы іс-қимыл агенттігінің ШҚО департаментінің жетекшісі Ғалымбек Досанов сөз сөйледі. Ол ҚР 2015-2025 жылдарды қамтитын жемқорлыққа қарсы саясатының проблемалары мен оның болашағы туралы айтты.
Конференцияға қатысушылардың ерекше қызығушылығын тудырған Еуропалық құқық және адам құқығы сарапшылар институтының директоры Марат Бәшімовтың сөйлеген сөзі тудырды. ОӨз сөзінде ол жемқорлықтың салдарынан азаматтардың құықтарының бұзылуы жөнінде әңгіме қозғады.
Конференция соңында оған қатысушылар жемқорлықпен күрес бағытындағы жаңа нормативті-құқықтық актілерді қабылдау кезінде Қазақстанның осы саладағы ғылыми ортасының мүмкіндіктерін кеңінен пайдалану қажет деген байламға келді.
