• Басты
  • ҚР ҚК Әуе қорғанысы күштерінің бірнеше әскери бөлімі бір уақытта тексерілді (Фото)
3 Маусым, 2015 16:24

ҚР ҚК Әуе қорғанысы күштерінің бірнеше әскери бөлімі бір уақытта тексерілді (Фото)

Әуе қорғанысы күштерінің бас қолбасшысы авиация генерал-майоры Нұрлан Орманбетов бастаған Әуе қорғанысы күштері бас қолбасшылығының кешенді комиссиясы Алматы және Талдықорған гарнизондарының әскери бөлімдеріне жоспарлы жұмыс сапарымен барды.
ҚР ҚК Әуе қорғанысы күштерінің бірнеше әскери бөлімі бір уақытта тексерілді (Фото)

Қорғаныс министрлігінен хабарлағандай, сапар мақсаты – жеке құрамның жауынгерлік машық деңгейін, қару-жарақ пен әскери техниканың жай-күйін, жауынгерлік кезекшілік атқарудың ұйымдастырылуын, материалдық-техникалық қамтамасыз етілу мен моральдық-психологиялық жай-күйді тексеру.

Кешенді тексеріске бір уақытта бірнеше әскери бөлім ұшырады, онда олар жауынгерлік әзірліктің жоғары дәрежесіне келтірілді. ӘҚК бас қолбасшысы күндізгі және түнгі жағдайларда ұшуларға дайындықты және олардың орындалуын, ұшқыштардың ұшу тапсырмаларын сапалы орындауы мен ұшақты басқару техникасын тексерді.

Одан басқа, түнгі уақытта 2 сағат бойы кезекші күштердің (экипаждардың) әуеде жауынгерлік кезекшілікті іс-жүзінде атқаруы тексерілді. 21642 ә/б техникалық пайдалану бөлімінде авиациялық техникаға регламенттік жұмыстар жүргізу барысы тексерілді. Талдықорған гарнизонындағы жұмыс барысында ӘҚК бас қолбасшысы авиациялық базада практикалық тағылымдамадан өтіп жатқан ӘҚК Әскери институтының курсанттарымен кездесіп, сұхбаттасты.

«Командирлер мен нұсқаушылар жас мамандардың техникамен жұмыс істеуде жеткілікті дағдысы болуы және оларға жүктелген міндеттерді сәтті орындау үшін тиісті деңгейде оқытуы тиіс. Курсанттар институтта алған білімдерін шебер қолдануы, жауынгерлік техниканы жақсы білуі, қажет болған жағдайда оны жауынгерлік жағдайда сауатты қолдана білуі маңызды, - деді Нұрлан Орманбетов. Тексеру соңында әскерлер қызметі және тәртіпті нығайту бойынша кеңестер берілді, әскери бөлімдердің командирлері мен олардың орынбасарларына қажетті көмек көрсетілді.

 

Барлық жаңалықтар