Н.Назарбаев пен «Камеко» Президенті Қазақстанда уран өндіру саласының болашағын талқылады
3 Маусым, 2015 14:36
ҚР Президенті Нұрсұлтан Назарбаев «Камеко» президенті және бас атқарушы директоры Тим Гетцелмен кездесті, ол Қазақстанға Шетелдік инвесторлар кеңесінің 28-ші отырысына қатысуға келді, деп хабарлады Ақорданың баспасөз қызметі.
Кездесу барысында тараптар Қазақстанда уран өндіру саласының болашағын талқылады.
Сондай-ақ, Елбасы Т.Гетцелді кеңеске қатысуымен құттықтады.
« «Камеко» Қазақстанда қызметтік тарихы бар компания. 1996 жылдан бастап Инкай кен орнында қызмет істеп бастады, осы уақыт аралығында сәтті жобалардың біріне айналды. Сондықтан да біз әлемдік атомды бағындыру жұмысында серіктестік танытудамыз. Бұл саладағы келісімдер өте тиімді әрі біздің корпорацияларға септігін тигізеді деген ойдамын», - деді Н.Назарбаев.
Өз кезегінде Т.Гетцел «Камеко» және «Қазатомөндіріс» компаниялары арасындағы ынтымақтастықтың маңыздылығын атап өтті.
