О.Селтеев: Ұлт жоспары – бұл үлкен өзгерістерге жетелейтін көпдеңгейлі бағдарлама
«Бүгінде Мемлекет басшысы міндеттеген «100 қадамдағы» жаңғырту мәтіні жалпыхалықтық даму түсінігіндегі нақтылаушы үдеріс болып отыр. Ұлт жоспары – үлкен өзгерістерге жетелейтін көпсалалы бағдарлама. Бүгінгі таңда орын алып отырған әлемдік экономикадағы шиеленістер мен жаһандық жүйенің тұрақсыздығын ескеретін болсақ, біз түбегейлі институционалды өзгерістер енгізуге келе жатырмыз. Бұл ретте өзгерістердің тек әлеуметтік-экономикалық қана емес, ішкі діңгекті түбегейлі нығайту болып табылатындығын айта кету керек»,-деді О.Селтеев.
Оның сөзінше, жоспарланған өзгерістердің көлемі мен ауқымдары алдағы болатын реформалардың сапасын айтарлықтай жоғарылатуы керек.
«100 қадам» мемлекеттік жүйенің әлсіз жақтарын жоюға бағытталған. Институцоналды негіздерді реформалаудың одан да мықты ынталандырушысы біздің мемлекетіміздің алдында тұрған, әлемдегі дамыған 30 мемлекет пен экономикалық ынтымақтастық және даму ұйымдарының қатарыну кіру сияқты екі басты мақсат болып табылады»,-деді сарапшы.
Анар Тәңірқұлова
