Көкшетауда мектеп оқушылары «Жас Ұлан-2015» атты әскери-патриоттық ойынына қатысты
3 Маусым, 2015 20:42
Көкшетауда жалпыға білім беру мектептерінің оқушылары Ұлы Жеңістің 70 жылдығына арналған «Жас Улан 2015» әскери-патриоттық ойынына қатысты, деп хабарлады облыс әкімдігінен.
Патриоттық ойынның мақсаты – білім беру мектептеріндегі патриотизмге тәрбиелеу жұмыстарының тиімділігін арттыру. Жарысқа арқайсысында 5 адамы бар 7 команда қатысты.
Ойын барысында жоғарғы сынып оқушылары түрлі ойын элементтерін пайдалана отырып, әскери қолданбалы спорт түрлерімен айналысты. «Ойынның бағдарламасында шартты түрде жарақат алған азаматты бір жерден екінші жерге көшіру, түрлі кедергілерден өту, эстафеталық жарыс, жергілікті жерді шартты түрде миналау, автоматты шашып-жинау, саптағы тәсілдер бойынша тапсырмаларды орындау қажет болатын»,-делінген хабарламада.
Ойынның қортындысы бойынша, оның барлық қатысушылары ынталандырушы сыйлықтар алды.
