Мемлекеттік қызметте моральдық қасиеттері жоғары, кәсіби басқарушылар жұмыс істеулері керек – сарапшы

«Қызметкерлердің жеке бас қасиеттері тестілеу, басқарушылық мүмкіндіктері бойынша кеңесу, бірқатар кеңестер тіпті психологиялық тестілер арқылы анықталады. Бұл өт маңызды мәселелер, мемлекеттік қызметке өзге де дамыған мемлекеттердегі сияқты моральдық қасиеттері жоғары кәсіби басқарушылар келулері керек»,-деді сарапшы.  

Оның сөзінше, бұл жерде бір басшы келсе, қалғандары артынан үдере көшетін жалғастық жоғалады. «Мемлекеттік қызметке келем деушілердің барлығы, барлық сатылардан өтулері керек, сонда ғана олар өздерінің салаларын жан-жақты білетін болады»,-деді М.Бәшімов.  

Бұған қоса, ол мемлекеттің мемлекеттік қызметкерлер үшін барлық жағдайларды жасап отырғандығын атап өтті. Бұл – мемлекеттік аппаратты ынталандыратын айлық жалақы, сонымен бірге жақсы жұмысы үшін берілетін бонустар. «Талапқа сай жұмыс істесең, ол бағаланады да ақшасы төленеді, яғни сен сыйқы аласың. Ал өз жұмысына немқұрайлы қарайтындар бәрінен қағылуы керек, яғни қоғамдық бақылау қатаң болуы тиіс»,-деп нақтылады сарапшы.

Естеріңізге сала кетейік, Мемлекет басшысы Нұрсұлтан Назарбаев тарапынан осыған дейін 5 институционалды реформаны жүзеге асыру  бойынша экономикалық өсімді қамтамасыз ету мен индустрияландыруға, еліміздің экспорттық әлеуетін арттыруға, сонымен қатар экономикалық дамуды одан әрі жалғастыруды қамтамасыз етуге бағытталған 100 нақты қадам ұсынылған болатын.   

Индира Кауметова