Е.Ыдырысов Мәскеудегі ШЫҰ мүше мемлекеттердің Сыртқы істер министрлері кеңесінің отырысына қатысады
3 Маусым, 2015 13:08
Бүгін Қазақстан Республикасының сыртқы істер министрі Е.Ыдырысов Мәскеудегі Шанхай ынтымақтастық ұйымына мүше мемлекеттердің Сыртқы істер министрлері кеңесінің отырысына қатысады, деп хабарлады ҚР СІМ.
Аталып өткендей, келелі кеңесте ШЫҰ аясында мүше мемлекеттердің саясат, экономика мен мәдени-гуманитарлық салалардағы халықаралық және аймақтық мәселелері талқыланады.
Сонымен қатар, сыртқы саясат ведомсвтоларының басшылары шілде айында Уфа қаласында (Башқұртстан) өтетін ШЫҰ мүше мемлекет басшылары кеңесі отырысының күн тәртібін талқыламақшы.
Бұдан басқа, Мәскеуде 4-маусымда «ШЫҰ аймағындағы қауіпсіздік пен тұрақтылық» тақырыбымен аймақтық қауіпсіздік бойынша жоғары дәрежедегі конференция өтеді. Ауқымды шараға ШЫҰ мүше мемлекеттердің сыртқы саясат ведомстволарының басшылары және Ауғанстан, Иран, Белорусия, Үндістан, Түркия, Шри-Ланка, Пәкістан, Моңғолия елдерінің жоғарғы өкілдері қатысады.
