Алматы облысында ШЫҰ-ға мүше мемлекеттердің құтқару қызметтерінің халықаралық оқу-жаттығулары өтуде (Фото)

3 Маусым, 2015 12:23

Тамғалы Тас шатқалында ҚР ІІМ ТЖ комитетінің «Жартасты қала-Астана» оқу-машықтану полигонында ШЫҰ-ға мүше мемлекеттердің құтқару қызметінің халықаралық оқу-жаттығулары басталды. Тақырыбы «Қиратушы жер-сілкінісіне ден қою кезінде іс-шаралар ұйымдастыру және орындау».

Оқу-жаттығудың мақсаты бойынша Алматыдан оңтүстік-батысқа қарай 45 шақырым жерде 6,7 балл магнитуда жер сілкінісі болған, ол 8-9 балл Рихтер шкаласы бойынша қиратуға алып келді, деп хабарлады ҚР ІІМ ТЖК.

Алдын ала мәліметтер бойынша жер сілкінісінен 200 мың адам зардап шекті. Ақырында өнеркәсіп нысандарының қирауы нәтижесінде химиялық зақымдалу ошақтары пайда болды. ҚР Азаматтық қорғауының Мемлекеттік жүйесінің жедел ден қою күштері мен құралдары және БҰҰ құрамына кіретін мемлекеттердің аттестациядан өткен іздеу-құтқару жасақтары жоғары әзірлікке келтірілді. ҚР Үкіметі халықаралық коғамдастығына, бірінші кезекте, Шанхай Ынтымақтастық Ұйымына мүше мемлекеттерге өтініш білдірді.

Бірінші оқу күні ШЫҰ-ға мүше мемлекеттердің төтенше жағдайлардың алдын алу және оларды жою саласындағы уәкілетті органдардың жедел топтары мен құтқару бөлімшелерін зардап шеккен мемлекетте әзірлікке келтіру және өрістету деңгейлерін пысықтады.

Жедел тобының және құтқару бөлімшілердін басшылары тыңдалды. Жедел топтарға құтқару бөлімшені төтенше жағдай аймағына шығару және авариялық-құтқару жұмыстарын және шұғыл жұмыстарды орындау деген міндеттер қойылды.

Оқу шегінде ірі ауқымды төтенше жағдайларды жою кезінде апаттан құтқару жұмысы бойынша тәжірибе алмасу туралы конференция өткізілді.