«100 қадамды» жүзеге асыру аясында Қазақстанда салық декларацияларын қабылдау орталықтарының желісін құру жоспарланып отыр

3 Маусым, 2015 12:07

Мемлекет басшысы Нұрсұлтан Назарбаев көтерген 5 институционалдық реформаның «100 нақты қадамын» жүзеге асыру аясында Қазақстандағы ірі сауда орындарынан жалға алынған ғимараттарда салық декларацияларын қабылдау мен оларды өңдеуге арналған орталықтар желісін құру жоспарланып отыр. Бұл туралы Strategy2050.kz ақпарат агентігінің тілшісіне берген эксклюзивті сұхбатында Қаржы министрлігінің Мемлекеттік кірістер департаментінің төрағасы Дәулет Ерғожин мәлім етті.

Оның сөзінше, комитеттің құзырына кедендік және салықтық әкімшілендірумен байланысты 8 қадамды жүзеге асыру шаралары кіреді. Осындай мәселелердің бірі «Салық декларацияларын қабылдайтын және өңдейтін орталықтар желісін» құру.

«Елімізде жеке адамдардың кірістерін салықтық декларациялау шарасы енгізілді. Енді салық органдарының салық декларацияларын қабылдап, өңдейтін орталықтарының бұл істі толыққанды жүзеге асыруға шамасы жетпей отыр. Себебі адам көп, ал мамандар аз, оның үстіне орталықтардың отырған ғимарттары да талапқа сай емес»,-деді комитет төрағасы.

Сол себепті Комитет өкілдері ірі сауда үйлерінен жалға алынған ғимараттарда мемлекеттік қызмет көрсететін орталықтар желісін құру жөнінде ұсыныс жасап отыр. «Бұл орталықтарға бағдарламалық қамтамасыз ету, терминалдар, бакоматтар, веб-киоскілер орнатып, салық және кеден мәселелері бойынша әмбебап консультанттарды дайындау қажет»,-деді Д.Ерғожин.

Естеріңізге сала кетейік, бүгінде 215 қызмет көрсететін орталық бар онда 2 мың 97 маман жұмыс істейді.

Индира Кауметова