Таразда Қазақ хандығының 550 жылдығына арналған тарихи-археологиялық экспедиция ұйымдастырылды

Жамбыл облыстық ішкі саясат басқармасының хабарлауынша, экспедиция мүшелері осы сапар барысында ежелгі ескерткіштердің ғылыми бағасын беріп, жаңа тарихи орындарды есепке алулары қажет. Экспедиция өкілдерінің басты мақсаты - Жәнібек пен Керей хандардың Сарыарқадан Шу өзенінің жағалауымен келген жолдарының картасын жасау болатын. «Бір апта бойына атқарылған жұмыстар кезінде археологтар бұрын тарих ғылымына беймәлім болып келген Қазақ хандығының құрылуымен байланысты географиялық нысандарды тапты»,-делінген хабарламада.  

Онда сонымен қатар, 4 ортағасырлық қаланың қираған орындары зерттеліп, тағы бірқатары сақталып қалған тарихи-мәдени маңызы зор ескерткіштердің орындары зерттелген. «Экспедицияның ең басты маңызды жұмысы Керей ханның қыстауының ашылуы болып табылады, бұл қыстау әзірге тарихи қоғамдастыққа жақсы таныс емес»,-делінеді ішкі саясат басқармасы таратқан мәліметтерде.      

«Ұлы көш жолымен» тарихи-археологиялық экспедиция тарапынан жиналған материалдар негізінде тиісті карта жасалды.