ИИДМБ: Қазақстанның энергия сыйымдылығы 18,6 пайызға төмендеді
3 Маусым, 2015 09:32
Қазақстанның энергия сыйымдылығы 18,6 пайызға төмендеді. Бұл туралы Strategy2050.kz. ақпарат агенттігінң тілшісіне берген сұхбатында «Қазақстандық индустрияны дамыту институты» акционерлік қоғамының өкілі мәлім етті.
«Қазақстанның ішкі жалпы өніміндегі энергиясыйымдылығы 2008 жылы 1,77 мың тмэ (тонна мұнай эквиваленті) АҚШ доллары болды, 2013 жылы бұл көрсеткіш 1,44 тмэ/мың доллар болып, өсім 18,6 пайызды құрады, деп хабарлады ведомство өкілдері.
ҚИДИ мәліметтеріне қарағанда, ішкі жалпы өнімдегі энергиясыйымдылығының 2008 жылғы көрсеткіштері сақталған жағдайда 2013 жылы 69,7 млн тмэ орнына 85,6 млн тмэ тұтынылатын еді. Яғни 15,9 млн тмэ үнемделіп отыр.
«Бұл жылына 37,7 млн тоннан тас көмір, 16,6 миллион тонна мұнай, 19,2 млрд текше метр табиғи газ үнемдеумен бірдей»,-деп түсіндірді ведомство өкілдері.
Индира Кауметова
