ҚР-да еліміздің 16 өңірінен жиналған әскери-патриоттық клубтары тәрбиеленушілерін әскери қызметке даярлайды

2 Маусым, 2015 19:53

Жастарды Қарулы Күштердегі әскери қызметке даярлау, олардың ептіліктері мен дағдыларын қалыптастыру–ағымдағы жылдың 9-13 маусымында Қарағанды облысының «Спасск» оқу-жаттығу орталығында өтетін «Айбын» І республикалық әскери-патриоттық жастар жиынының басты міндеттері болып табылады.

«І Республикалық әскери-патриоттық жастар жиыны ерекше жиын болмақ. Оған қатысатын жастардың саны рекордты нәтижені көрсетіп отыр. Олардың ішінде тұңғыш ретҚазақстанның 16 өңірінен жиналған әскери-патриоттық клубтарынан 320 тәрбиеленуші, 8 республикалық мектеп-интернатынан (Алматы, Шымкент, Қарағанды, Семей, Павлодар, Ақтөбе), «Арыстан» лицейі мен «Жас ұлан» мектебінен 160 тәрбиеленуші, жоғарғы оқу орындарынан 25 әскери кафедраның 250 студенті, топ басшыларынан шамамен 80 өкіл бар», - делінген Қорғаныс министрлігінің хабарламасында

Сегіз жүзден астам қатысушы өздерін нағыз жауынгер ретінде көрсете алады. Олар полигон сынақтарында жаттығып, АК-74 қаруынан, пневматикалық винтовкадан атуды меңгереді, жадағай түріндегі жалпы әскери қорғаныс кешенін киіп, жаралыларды құтқарады және командирлерге кез-келген жауынгерлік тапсырманы игере алатынын дәлелдейді.

Естеріңізге сала кетсек, жиынның мақсаты жастар арасында салауатты өмір салтын насихаттау, дене, әскери-қолданбалы және техникалық даярлықты жетілдіру болып табылады.

Барлық жаңалықтар