З. Потарадзе: Грузияға келетін қазақстандық туристер саны 2014 жылы 40 пайызға дейін өсті

«Ұзақ жылдардан бері Қазақстан мен Грузия арасында достық қарым-қатынас орныққан. Қазақстан Орталық Азиядағы дамыған деген мемлекеттердің бірі ретінде Грузияның маңызды стратегиялық әріптесі болып табылады. Соңғы жылдары Грузияға Қазақстаннан келетін азаматтар саны күрт артып отыр және осының өзі біздің мемлекетеріміздің достық қатынастарының қарқынды дамуының көрінісі. Сондай-ақ бұл Грузияның туризм секторының әлеуетінің қаншалықты зор екендігін паш етеді. Статистикалық мәліметтер бойынша, 2014 жылы қазақстандық туристердің саны 40 пайызға дейін өсті. Меніңше, бұл шекті өлшем емес, биылғы жылы біз сіздердің мемлекеттеріңізден  бұдан да көп қазақстандық азаматтарды көреміз деген ойдамыз»,-деді елші.   

Елшінің пікірінше, Астана-Тбилиси-Астана рейсі ЭКСПО-2017 халықаралық көрмесінің алдында үлкен табысқа кенеледі. Бұл рейс аптасына екі рет жүзеге асырылады. Ал Алматыдан Грузия астанасына аптасына 5 рейс ұшады. Аталған бағыт ашылған 2011 жылдан бері жолаушылар ағыны 120 мыңдың құрады

Анар Тәңірқұлова