• Басты
  • Германиядағы Қазақстандық студенттер Қазақстанның ГФР-дағы Елшісімен кездесті
2 Маусым, 2015 18:06

Германиядағы Қазақстандық студенттер Қазақстанның ГФР-дағы Елшісімен кездесті

Германиядағы Қазақстан студенттердің кезекті бесінші форумы қарсаңында ҚР Германиядағы Елшісі Болат Нүсіпов 200-ден астам адамды біріктіретін «ҚазГерАльянс» Қазақстан студенттері одағының белсенділерімен кездесті, деп хабарлады ҚР СІМ.
Германиядағы Қазақстандық студенттер Қазақстанның ГФР-дағы  Елшісімен кездесті

Елші жас қазақстандықтарды «Қазақстан-2050» Стратегиясын дамыту аясында «Нұрлы жол» жаңа экономикалық саясатының негізгі мақсаттары және міндеттерімен таныстырып, Қазақстанның тұрақты дамуы мен көркеюіне бағытталған Елбасының бес институационалды реформасын жете түсіндірді. Кездесу барысында негізгі екпін «Мәңгілік ел» отансүйгіш әрекетін жүзеге асыруға әрбір қазақстандықтың өз үлесін қосуға мүмкіндігі бар екеніне жасалынды.

«Қазақстандық студенттер Елшіні «ҚазГерАльянс» одағының мақсаттары және міндеттерімен, биыл жоспарланған шаралармен таныстырды. Сонымен қатар, студенттердің ү.ж. ақпанда ҚР Парламентінің Мәжілісі Төрағасының орынбасары Д. Назарбаевамен, ү.ж. сәуірде ҚР Сыртқы істер министрінің бірінші орынбасары Р. Жошыбаевпен Берлиндегі кездесулері барысында көтерілген сауалдар мен сұрақтар талқыланды», - делінген хабарламада.

Кездесу соңында Германиядағы қазақстандық студенттер футбол турнирі кезінде жеңіп алған кубогын Елшілік мұражайына табыстады.

Қазақстандық студенттердің бесінші форумы биыл күзде Берлинде өтеді. Форумға қолдау көрсетуші «Болашақ» халықаралық бағдарламалар орталығы, халықаралық Қазақстан студенттерінің «ҚазАльянс» одағы және DAAD неміс академиялық алмасу қызметі.

 

Барлық жаңалықтар