• Главная
  • МУЗ-ТВ сыйлығы аясында Астанада ресейлік әртістердің қатысуымен 16 қайырымдылық шара өтеді
2 июня, 2015 16:21

МУЗ-ТВ сыйлығы аясында Астанада ресейлік әртістердің қатысуымен 16 қайырымдылық шара өтеді

МУЗ-ТВ сыйлығының аясында 4-маусымда Астанада ресейлік және отандық шоу-бизнес жұлдыздарының қатысуымен 16 қайырымдылық іс-шарасы өтеді, деп хабарлады Ресейдің еңбек сіңірген әртісі, қоғамдық палата мүшесі Диана Гурцкая ҚР Президенті жанындағы Орталық коммуникациялар қызметінде.
МУЗ-ТВ сыйлығы аясында Астанада ресейлік әртістердің қатысуымен 16 қайырымдылық шара өтеді

Қазақстан астанасында 5-маусымда өтетін МУЗ-ТВ сыйлығы шарасының алдында МУЗ-ТВ телеарнасы «Аяла» мен «Дала» қорларымен бірлесіп, 16 қайырымдылық іс-шара өткізеді. Оған 2 мың жетім бала әлеуметтік жағынан аз қамтылған және жайсыз отбасынан шыққан балалар қатысып, ресейлік және отандық өнер жұлдыздарының өнерлерін тамашалайды.   

«Аталмыш шараның алдында қайырымдылық акциялары жоспарланған. Мен, басқаларға қарағанда, балалар үшін мұның қаншалықты маңызды, қаншалықты қуанышты екенін жақсы түсінемін. Аз ғана қуаныш, аз ғана қолдау олар үшін үлкен өмір, 4-маусым күні біз мектеп-интернатқа барамыз. Біз балалармен араласып, оларға арнап концерт ұйымдастырамыз, ең бастысы шын жүректен, шын сезіммен балаларға үлкен қуаныш сыйлағым келеді»,-деді Диана Гурцкая.  

Оның сөзінше, ол балалармен тілдесіп, оларға қамқорлық көрсетіп, жан жылуын беру аса маңызды екенін ол өзгелерге қарағнда, жақсы түсінеді.  

«Мен де көре алмайтын балаларға арналған мектеп-интернаттан шыққанмын, онда 11 жыл өмір сүрдім, мен оның не екенін білемін, мен үшін балалармен қуанышыңды бөлісу үлкен бақыт. Мен өзімнің өмірім туралы, қандай қиындықтарды бастан өткерсем де оқып білім алуымды жалғастыра бергендігім туралы айтып беремін. Яғни мен олармен өзімнің шын өмірім туралы сыр бөлісемін»,-деді әнші ағынан жарыла.  

Естеріңізге сала кетейік, 5-маусымда жыл сайын өтетін   МУЗ-ТВ сыйлығы алғаш рет Астанада өтеді. Музыка саласындағы алғашқы сыйлық 2003 жылы «Олимпиский» стадионында Мәскеуде өткен болатын. Содан бері аталған шара әр жерде өткізіліп келеді.  

Индира Кауметова