• Басты
  • ҚР-ның мұнай-газ саласын дамыту Ұлт жоспары аясында қаралады - KAZENERGY
2 Маусым, 2015 12:13

ҚР-ның мұнай-газ саласын дамыту Ұлт жоспары аясында қаралады - KAZENERGY

«KAZENERGY» форумында ҚР-ның мұнай газ саласын дамыту Ұлт жоспары аясында қаралады, деп мәлімдеді «KAZENERGY» Қауымдастығының Бас директоры Әсет Мағауов ОКҚ-да.
ҚР-ның мұнай-газ саласын дамыту Ұлт жоспары аясында қаралады - KAZENERGY

«Осы жылы форум жұмысы заманауи энергетикалық және күн тәртiбiндегі саяси оқиғаларға, мұнай-газ және энергетика нарығындағы өзгерiстерге арналады. Сондай-ақ, «100 нақты қадам» Ұлт жоспары аясында саланы дамытуға ерекше назар аударылады. Ықпалдастық процестерiнiң рөлi, ұзақмерзiмдi сауда-экономикалық және энергетикалық серiктестiктi қалыптастыру, жаһандық энергетикалық тұрақтылықты қамтамасыз ету мәселелерi бойынша жекелеген талқылаулар өткізу жоспарланып отыр», - дедi Ә.Мағауов.

Сонымен, KAZENERGY форумының бағдарамасында Энергетика халықаралық агенттігі (IEA), Жаңартылған энергия көздері  халықаралық агенттігі (IRENA), Энергетикалық хартия хатшылығын, Дүниежүзiлiк мұнай кеңесi (WPC), Мұнайшылардың  инженерлер қоғамының  (SPE) сарапшыларымен бірлескен шаралар өткізу жоспарлануда.

«Форумның алғашқы күнінде «Еуразиялық аймақтағы энергоқауіпсіздік: ынтымақтастықтың жаңа механизмі» тақырыбымен мұнай-газ конференциясын өткізу жоспарланған. Аталмыш конференция ҚХР инженерлік академиясының ұсынысымен өткізілде», - деп атап өтті Ә.Мағауов.

Ботагөз Айтжанова

Барлық жаңалықтар
3.216.79.60, 192.168.88.100