Алматыда қала тұрғындарының демалуы үшін шағын аймақтар құрылады

2 Маусым, 2015 10:03

Алматының Әуезов ауданындағы «Жетісу-3» ықшам ауданы аумағында қалалықтардың жақсы демалуы мен тынығуы үшін мини-аймақтар құрылған, деп хабарлады қала әкімдігі.

Бау-бақ инфрақұрылымы негізінде жасалған «Жасыл аймақ» кіші сәулет түрімен көз тартады, мұнда урналар, орындықтар, балалардың спорт алаңдары да бар. Алматы әкімі Ахметжан Есімов ықшам аудан тұрғындарымен жүздесті, олар қала басшысына эксперименталды алаң үшін алғыстарын білдірді.

«Енді аудан әкімдері өз аумақтарын жете тексеріп, адамдар үшін пайдалы осындай алаңдарды қай жарде жасауға болатындығын анықтаулары тиіс», - деді Ахметжан Есімов.

Алматының жасмыл қоры жыл сайын жаңарып келеді әрі гүл шаруашылығын жандандыру да қолға алынбақшы, қалада жыл сайын 35 мыңнан астам ағаштар мен көшеттер отырғызылуда. Соңғы 5 жыл ішінде қалада гүлзарлар көлемі 3 есе өсті, бүгінгі күні оның көлемі 200 мың. шаршы метрден астам, 16 саябақ пен сквер қайта жасалды. Биыл тағы да 3 сквер пайда болады.

Биылғы маусымның ерекше көрінісі - топиарлы композициялы гүлзарлар. Қазақстан бойынша ең алғаш рет Алматыда тіклей жасылдандыру әдісі қолданылды. Бұлардың кейбіреулерінің биіктігі 12 метр.

Шара соңында жасылдандыру мен абаттандырудың кешенді шаралары талқыланды. Мысалы, биыл қалада гүлзарлар көлемі 235 мың шаршыға кеңеймек. Осы ретте қала әкімі гүлзарлар жасауға тұрғындар мен заңды тұлғаларды де кеңінен тартуды тапсырды.

Барлық жаңалықтар