• Главная
  • Астанада «Менің алғашқы кітабым» эссе байқауының жеңімпаздары марапатталды (ФОТО)
1 июня, 2015 18:12

Астанада «Менің алғашқы кітабым» эссе байқауының жеңімпаздары марапатталды (ФОТО)

Әдебиет порталы «Менің алғашқы кітабым» эссе байқауының жеңімпаздарын марапаттады, сайыс 8-11 сынып оқушылары арасында өтіп, 2015 жылдың 25 мамырында аяқталған болатын.
Астанада «Менің алғашқы кітабым» эссе байқауының жеңімпаздары марапатталды (ФОТО)

Доданың мақсаты балалар арасында кітап оқуды насихаттау.

«Қараша мен мамыр аралығында еліміздің 8-11 сынып оқушыларынан 100-ден астам жұмыс жиналды. Біз олардың үздік 20-сын таңдап алдық. Және бүгін халықаралық балаларды қорғау күні олардың бәрін жинап, жеңімпаздарды марапаттадық. Жұмыстардың 10 қазақ және 10 орыс тілінде болды», - деді байқау ұйымдастырушысы, «Қазконтент» АҚ-ның интернет жобалары бойынша басқарушы  директоры Жандос Чулаков марапаттау барысында.

«Менің алғашқы кітабым» эссе байқауына қатысушылардың бірі Назарбев зияткерлік мектебінің 10 сынып оқушысы.

«Байқау туралы өзімнің қазақ тілі пәнінің мұғалімінен білдім. Мен түрлі кітаптарды оқимын, олардың ішінде Ботагөз романында бар. Мен сол туралы жаздым, жалпы ол менің өміріме айтарлықтай әсер етті. Негізі классиктерден Анна Каренина шығармасын ұнатамын. Жалпы, мына кітапты ұнатамын деп дөп басып айта алмаймын, таңдау өте көп. Оның үстіне мен үш тілді мектепте білім аламын, біз әр тілде білім аламыз, оқимыз және сол тілде эссе жазамыз. Соның арқасында мен бүгін жеңімпаз атандым», - деді Адина Иманбаева.

Ботагөз Айтжанова

Суретке түсірген Азамат Әлиев