Талдықорғанда сурет салу байқауына 200-ге тарта бала қатысты (Фото)
1 Маусым, 2015 17:36
Бүгін Талдықорған қаласында Балаларды қорғау күні аталып өтілді. Облыстың кішкентай тұрғындары үшін арнайы мерекелік бағдарламалар ұйымдастырылды, деп хабарлады облыс әкімдігі.
«Бақытты балалық шақ» және «Менің Отаным - Қазақстан» тақырыбында өткен асфальтқа сурет салу байқаулары мерекенің ажарын аша түсті. Байқауда 200-ге тарта кішкентай суретшілер өздерінің түрлі түсті шығармашылық туындыларымен көршіліктің ризашылығына бөленді.
Ал «Балдәурен - 2015» балалар байқауының жеңімпаздары мерекелік гала-концертте өнер көрсетті. Сонымен қатар Орталық мәдени және демалыс саябағына Балалар көркемсурет мектебі оқушыларының көрмесі қойылды. Балалар әткеншек теуіп, түрлі байқаулар мен эстафеталарға қатысып, мультфильмдер мен ертегілер кейіпкерлері сомдалған алып қуыршақтармен бірге суретке түсті.
Сондай-ақ осы күні бүлдіршіндерге тегін балмұздақ таратылды.
