ҚР ҚК 6 мың офицері офицері аттестаттаудың бірінші кезеңінен өтті – Қорғаныс министрлігі

1593 әскери қызметшінің кандидатурасы комиссиямен жоғары бағаланды және жоғары әскери лауазымға ұсыну үшін резервке енгізілді. 1448 офицер Ұлттық қорғаныс университетіне, сондай-ақ ҰҚУ жанындағы жоғары академиялық курсқа оқуға түсу үшін оң ұсынымдар алды.

Қаңтар мен маусым аралығында батальон (дивизион), бөлім командирлері мен олардың орынбасарлары лауазымдарында әскери қызмет өткеріп жүрген офицерлерді атқарып отырған лауазымдарына сәйкес келуін тексергенін еске сала кетейік. Әрбір әскери қызметшінің іскерлік, кәсіби, адамгершілік, жеке қасиеттері мен әлеуетті мүмкіндіктері бірінші кезең аясында бірқатар жаңашылдық енгізіле отырып бағаланды.

Алғаш рет бірнеше әскери бөлімде пилоттық жобамен бағалаудың рейтингтік жүйесі сынамаланды, сондай-ақ әрбір сынақ тапсырушы офицердің сыбайлас жемқорлыққа қарсы күрес заңнамасын білу деңгейін тексеру енгізілді. Бірінші кезең аяқталғаннан кейін сынақтың екінші кезеңі басталады. Оның шеңберінде маусымның 1-і мен қарашаның 1-і аралығында аттестатталуға барлық қалған офицерлер құрамы жатады.